Tema Press

بڕیاری کشانەوەی هێزەکانی ئەمریکا لە ناوچەکانی ڕۆژئاوای کوردستان کە لەلایەن دۆناڵد ترەمپی سەرۆکی ئەو وڵاتەوە دەرچوو، لەگەڵ ئەوەی بە شێوەیەکی بەرچاو لە ئاستی ڕای گشتی جیهاندا سەرزەنشت کرا و ئەنجامەکەی بە جۆرێک لە شکست بۆ کوردانی ڕۆژئاوا وەک هاوسەنگەری پێشووی ئەمریکا کەوتەوە. پرسی پەیوەندییەکانی نێوان سەرکردایەتی ڕۆژئاوا و ئەمریکای بە جۆرێک بەرجەستە کردەوە کە پێویست بە خوێندنەوە و هەڵسەنگاندنی ورد و قوڵ بکات تا لە سەر بنەمای ئەوە تێگەیشتنێکی دروست لە بڕیاری کشانەوەی ئەمریکا دەستەبەر بێت. دۆسییەی ئەمجارەی تەما هەولێکە لەو پێناوەدا.